KEKANCAN

Senen Kliwon 20 Mei 2019

BENINGE EMBUN ESUK

1 Samuel 20:1-23,35-42

Jabur 133

Yokanan 14:1-6

“Menawi niyatipun awon, inggih mesthi badhé kula kabari, supados sampéyan saged oncat. Gusti Allah mejahana kula, menawi prekawis menika mboten kula tindakaken. Mugi-mugi Gusti Allah nunggil kaliyan sampéyan kados nalika nunggil kaliyan bapak kula rumiyin! Sarta menawi kula taksih gesang, sampéyan ugemi prejanjian kita ing ngarsanipun Allah menika, saha kula aturi pitados dhateng kula. Nanging menawi kula sampun mboten wonten, sampun ngantos pedhot kasetyan sampéyan dhateng anak-turun kula ing selaminipun. Saha menawi Gusti Allah numpes sedaya mengsah kita, sampun ngantos prejanjian kita kekalih menika pedhot. Menawi ngantos pedhot, Gusti Allah badhé ngukum sampéyan.” 1 Samuel 20:13-16

KEKANNCAN kuwi tembung sing linggane  kanca, sing tegese “liyan” sing isa mbangun lan mangun sesambungan apik. Liyan kuwi isa sakpepada menungsa ananging isa uga titah liya, sing baku sing jenenge kanca kuwi mesti pribadi liya. Seka tembung kanca mau isa manjelma dadi tembung KEKANCAN sing tegese sesambungan apik banget ing antarane pawongan loro, sing sumadya setya ing sadengah kahanan. Sing jenenge KEKANCAN kuwi kudu siap penak lan rekasa, kudu wani setya sanadyan peteng kang tinemu. Yen isane mung nalika kahanane apik lan nyenengake, kuwi ora isa diarani KEKANCAN, kuwi isa diarani Ngrampok, lha mung gelem apik’e lan nampik sing ora apik.

Klik IKI LHO Yen Anakmu Demam

Ana crita seka Kitab Suci bab aji lan Adining kekancan, yakuwi ing antarane Dawud lan Yonathan. Sejarah nyathet yen bapakneYonatan kuwi sansaya suwe sansaya senget marang Dawut lan nduweni krenteg meh mateni. Kuwi kabeh disadari karo Dawud, lan ing pamawase Dawud, bapakne Yonatan nggolek cara supaya bisa merjaya dewekne. Mula saka kuwi nalika entuk uleman kembul bujona lan kuwi dirasa dening Dawud minangka cara licik seka bapakne Yonatan, Dawud njaluk tulung KANCA rakete, yakuwi Yonatan sing ora liya ya anak’e Saul, sing mungsuhi dewekne. Wiwitane Yonatan ora percaya yen bapakne sengit karo Dawud, ananging sakwise dijlentrehne ya njur percaya. Nah..adedasar percaya mau sakbanjure Yonatan aprajanji yen arep ngayomi Dawud seka pengancem’e bapakne, sanadyan kudu soroh nyawa. Kabeh sing dilakoni Dawud lan Yonatan kuwi sing diarani KEKANCAN sing sakbenere.

OBATE WONG WADON NALIKA NAMPA "DAYOH"

Sesambungan kaya Dawud lan Yonatan kuwi apik, ananging saiki sajak’e wis angel golek-golek’ane. Sesambungan utawa kekancan sing klakon mung njedul nalika kahanan apik, ananging yen kahanane ora apik, banjur pada lunga minggat sakrasane. KEKANCAN  sing bener kuwi ya wani nyorohke apa wae kanggo nayomi kancane sing ora luput, sanadyan kdu adeb-adeb’an karo sedulur dewe, malah kepara wongtua, sing ora bener. Yen jik mbelani sedulur sing luput, jik mbelani brayat sing lakune kleru, kuwi ora bisa diarani KEKANCAN. Kamangka KEKANCAN kuwi manut kaya kersane Gusti, mbangun lan mangun urip kinatenan KATRESNAN. Saiki mbalik marang para maos, arep kekancan mung nalika nyenengake utawa KEKANCAN sing sakbenere, kudu dadi paying nalika kancane entuk ancaman? Yen wegah mayungi nalika kancane kudanan, wegah nilik’i nalika kancane rekasa lan semplah, wegah nyukupi nalika kancane kekurangan, kuwi ora isa diarani mbangun KEKANCAN, mung nguyak kemaremaning urip.

“Lehmu mbelani Markun kok pol-polan to Jo, kamangka aku kuwi paklikmu, dene dewek’e kuwi dudu sapa-sapa?”, Lik Ndoleng sajak nesu karo Dalijo bab ora gelem mbelani usule nalika rapat wingi bengi.

“Iki dudu urusan sedulur Lik, ning bab sing pas, relepan lan dadi kahanan apik kanggo sakabehe”, Wangsulane Dalijo.

“Benr kang Dal Lik, mbelani kuwi sing BENER tur ya PENER, mbuh kuwi sedulur pa dudu, yen mung mbelani sedulur brutal, kabeh ya isa..”Nduk I’in melu-melu lan sajak wicaksana, mbuh kencok’an roh apa..

“Kuwi, rungokna ide cemerlange ponakanmu wedok sing ayu dewe sakragunan..”Semaure Dalijo sajak ngece dulure wedok..

“Apa kang, ayu dewe sakraunan???Lha nggolekne mungsuh kok pas temen, jiannnn..”Semaure Nduk I’in lan kuwi melu ndadekne Lik Ndoleng mesem, sanadyan rada kecut..

Mbah’e..