Setu
Legi 6 April 2019
BENINGE
EMBUN ESUK
Pangentasan
12:21-27
Jabur
126
Yokanan
6:40-53
“Ing
antarané wong-wong Farisi mau ana sing tau nemoni Gusti Yésus ing wayah bengi,
jenengé Nikodémus. Nikodémus mau nuli kandha karo wong-wong Farisi liya-liyané:
“Manut prenataning agami, kita mboten kénging ngukum tiyang, sadèrèngipun
prekawisipun dipun priksa, lan menawi kita dèrèng sumerep menapa ingkang
katindakaken.” Yokana 7:50-51
Tembung NDEWE kuwi asale seka Dewe, sing tegese
ora ana kancane utawa siji thok thil. Dewe kuwi ora ana kancane, dene NDEWE
kuwi sengaja nglakoni apa wae, klebu urip sing tanpa kanca. NDEWE kuwi
pilihaning urip sing dipilih kanthi sengaja lan lumantar weninging manah. Yen
ana wong NDEWE ananging njur kokean protes, kuwi ora merga yakin karo pilihane,
ananging merga mutung karana apa sing dikarepke ora klakon. Mulane, NDEWE kuwi
ora mayar, butuh tetimbangan sing jian jero temenan.
Crita neng Injil Yokanan bab 12, nyaritak’ake
pawongan sing sejatine nduwe pengaruh sing gede merga klebu ahlining agama
Yahudi. Pawongan kuwi jenenge Nikodemus, dekne nate kanthi sesideman nemoni
Gusti Yesus lan sinau bab tata panguripan sing jumbuh karo pranatane agama.
Neng crita Injil Yokanan 12 kuwi, Nikodemus wani NDEWE beda penemu bab Gusti
Yesus. yen kabeh sarujuk ngukum Gusti Yesus, Nikodemus ora sarujuk, mula
ngelikake wong akeh supaya sakdurunge ngukum kudu diadili ana ing pengadilan.
Merga kwanene NDEWE karo penemune wong akeh
mau, mula sakbanjure akeh sing pada sengit karo Nikodemus. Ananging kayane
Nikodemus ya tetep setya karo pilhane, merga kuwi swarane atine,swarane batin
sing tansah nywara kanthi tulus lan mesti bener lan pener. Mula sandyan
dimungsuhi kanca-kancane, Nikodemus ora maelu, tetep nguripi prinsip bab
bebener. Ing jaman saiki angel nggolek wong sing nduweni prinsip bakoh kaya
Nikodemus lan wani urip NDEWE. Akeh-akehe ya mung eal-elu,malah akeh sing
sejatine ora ngerti ananging sok ngerti,sok paham lan bareng kejlungup njur
njalahke liyan… Mula saka kuwi, minangka meungsa sing tinitahke karo nalar sing
pinujul, aja mung ela-elu, pilihen urip sing manut karo swaraning iman utawa
batinmu sing paling lirih swarane. Sing paling lirih kuwi sing bener lan
nguripi bebener kuwi kudu wani NDEWE.
“Jo, aku jik ora mathuk karo grupe Markun, lha
urip bebarengan minangka pasamuan kok grusa-grusu. Mbok’o apik lane sip, mbokya
dirembuk, ora sakarepe dewe.”, Lik Ndoleng sajak mangkel wadul karo Dalijo.
“Cieee…iki merga meri karo kang Markun po merga
grusa-grusune lik?”, Dalijo nenggepi malah sajak ngece.
“Lha po ya
cemburu Lik?”, Nduk I’in nimbrung ngepasi metu seka pawon karo nggawa
kopi lan bodin goreng.
“Weladalah, aku wis ora mburucem mbek Markun
cah..yakin mbolokin..mung yakuwi…mbokyen nglakoni pagawean pasmauan ki
dirembug”, Lik Ndoleng jik nyoba enda.
“Lha wani mbelani idemu ora lik yen ora ana
sing ndukung? Ateges wani NDEWE lho..”Dalijo semaur.
“Weh..lhaiyo turah wani Jo..padakne kowe,
nekani nikahane Tarsi wae rawani, alesane ndakik-ndakik..”Lik Ndoleng mbales
Dalijo.
“Kecuk mbendoo..cahtuwek siji iki malah nableg
aku…”Batine Dalijo, merga meh muni, wedi dipaido sing maca tulisan iki…
Mbahe..
Tidak ada komentar:
Posting Komentar