NGAPURA

Minggu Kliwon 31 Maret 2019

BENINGE EMBUN ESUK

Yusak 5:9-12

Jabur 32

2 Korinta 5:16-21

Lukas 15:1-3,11b-32

“Bocah mau nuli matur: ‘Bapak, kula sampun nglampahi dosa dhateng Gusti Allah lan dhateng Bapak. Kula sampun mboten pantes kawastanan putranipun Bapak.Lukas 15:21

Tembung NGAPURA kuwi tegese mapanake samubarang kang wis kelakon dadi bali apik, wis ora rusak. NGAPURA kuwi mung bisa klakon nalika ana sing ora apik. Yen samubarang wus apik kabehm ora mungkin ana tumindak NGAPURA. Dadi, NGAPURA kuwi sawijining tumindak kang dilakoni dening sapa wae kanthi ora nganggep lelakon ala sing kawuri. Sejatine ana lelakon, lan kuwi isa njalari rusaking sesambung utawa seduluran, ananging sakwise ana tumindak NGAPURA, kabeh sing ala sirna,ilang diemplok sing doyan ngemplok..hehe

TRIK JITU MENGGALI UANG

Sing isa nindak’ake NGAPURA kuwi wong sing  jembar atine lan jero penggalihe, sing siap kelangan apa wae sing sejatine  dadi darbek’e. tanpa anane jembaring ati lan jeroning penggalih, tangeh lamun  klakon kahanan NGAPURA kuwi. Lan mung NGAPURA ing antarane siji-lan sijine sing isa ndadekne urip bebarengan kuwi isa ngrasakne TENTREM RAHAYU.

Piwulangge Gusti Yesus ana ing Injil Lukas 15 nerangake, sepira  ajine tumindak sing diarani NGAPURA kuwi. Nalika kuwi, ana bapak sing duwe anak loro, njur sing ragil njaluk bagean banda warisan. Iki jian kurangajar tenan, lha bapakne jik meger-meger kok ya ega-tegane njaluk bagean. Ning ya njur diparingi, njur didol lan diawut-awut neng paran. Bareng entek, njur bingung nggolek pangan,lan ngrasakne angele nggolek pangan, nganti pakanan babi wae kolu dipangan. Kuwi sing njalari bocah ragil kuwi sadar, yen urip neng omahe bapakne luwih kepenak, mula njur mutusake mulih lan bapakne ya nampa kanthi bungah, malah dipahargya geden.

Sanadyan NGAPURA kuwi tumindak sing jian apik, merga lumantar NGAPURA ing antarane siji lan sijine menungsa, kabeh sing ala ilang, ananging kuwi durung temtu dadi renaming penggalihe kabeh wong, nyatane kangmase bocah ragil kuwi sing angel ngapura tumindak’e adine  Kangmase kuwi ora isa nampa yen adine sing wis njaluk jatahe warisan, bareng entek njur mulih lan bapakne nampa.

KUNCI SUKSES

Sejatine tumindak’e awak’e dewe..(sing maca tulisan iki) durung mesti luwih apik tinimbang si ragil neng critane Injil lukas, ananging  kerep pada tumindak kaya sing mbarep, mula angel NGAPURA lan nampa adine dewe. Kuwi kabeh sing ndadekne urip ora tentrem.

“Lik, kok rakersa dadi panitia Paskah ki ngapa?”, Takone Dalijo neng Lik Ndoleng.

“Gah, neng kana ana Markun..tekano kapan aku moh nyambut gawe karo dekne”, Saurane Lik Ndoleng krasa sengol.

“Yungalah Paklik, urip sepisan kok ditindes rasa sing ala ta..mbok ya diapura yen ana sing salah..ben tentrem uripmu..marem kuwi durung tentu tentrem lho..”Nduk I’in sajak ngojahi Lik Ndoleng.

“Angel In, wong  kuwi gara-garane Yu Wasti mbiyen luwih milih kang Markun gek, tinimbang Paklik..”Dalijo mangsuli lan sajak nyemes Lik Ndoleng.

“Dus….ngerti wae kue kuwi Joooo!!!!!!”, Lik Ndoleng muni rada sugal, njur mak klepat nglungani…

Mung srana NGAPURA lupute siji lan sijine urip iki bakal kebak katentreman..

Mbahe..

NILAI SEBUAH SENYUM

Senyum, sebuah kata benda abstrak. Darinya kemudian beberapa kata muncul. Ada  tersenyum dan senyuman. Keduanya mengungkapkan sebuah perasaan yang hampir selalu berkonotasi positif. Senyuman akan membuat orang yang gemetar ketakutan menjadi agak ringan, cair dan kemudian merasa terhargai. Dengan tersenyum,maka segala sesuatu yang memang sudah terasa berat akan terasa ringan dalam hal mengerjakannya.

THUYUL DIGITAL

Dalam sebuah debat yang dirasa semakin bertensi tingggi, perkataan yang diiringi dengan senyum tulus akan mencairkan suasana, dalam kebuntuan jalan keluar, senyum akan meringankan beban untuk kemudian memacu semangat menjari celah solusi yang lain. Pada titik inilah, senyum menjadi sebuah tindakan sederhana, yang bisa mengakibatkan keajaiban..

Senyum, tersenyum dan senyuman, bukanlah sebuah pekerjaan yang heroic dan dramatis. Hanya sebuah tindakan yang bisa dilakukan dengan spontan dan (bahkan mungkin) tanpa belajarpun semua orang bisa. Bayi kecil akan melakukan tindakan senyuman ketika situasinya menyenangkannya dan senyumannya akan membuat sang ibu seolah mendapatkan sebongkah emas dalam hidupnya. Senyuman orang tua yang menyambut anak ketika melaporkan hasil UAS dan hasil itu tidak begitu menggembirakan akan membuat si anak merasakan keteduhan purba yang bernuansa sorgawi yang menyenangkan. 

Senyuman dalam sekilas perjumpaan akan menghasilkan kenangan yang takakan terhapus sepanjang hayat. Senyuman, tersenyum, adalah tindakan sederhana namun selalu bisa menghasilkan keindahan yang luar biasa.

Sang Guru Kehidupan mengajar tentang Surga dengan sesuatu yang kecil,sederhana dan tidak bombastis namun berakibat luar biasa. Seperti biji seswi,ragi, pukat an mutiara. Semuanya benda kecil. Namun dalam praktiknya benda-benda kecil ini begitu mempengarui kehidupan. Biji sesawi yang kecil itu jika ditaburkan akan tumbuh dan bisa bermanfaat bagi banyak pihak. Ragi yang kecil itu jika diaduk dalam sebuah adonan akan mempengaruhi seluruh adonan. Demikian juga mutiara, meski kecil betapa harganya sangat mahal dan bisa untuk mencukupi kebutuhan dalam beberapa waktu.

INI BISA MEMBUAT ANDA TERSENYUM

Demikian halnya dengan  senyum, senyuman dan tersenyum. Hal-hal sederhana ini jika dilakukan dengan tulus dan jujur maka akan meghasilkan pengaruh yang luar biasa. Ketika gagal,tidak berhasil,salah,keliru,dan hal negative lain kita lakukan dan kemudian tiba saat mempertanggungjawabkan maka dengan senyuman akan membuat kita seolah menerima  berkat sorgawi. Ketika kita bingung dan bertanya kepada orang yang tidak kita kenal,lalu orang itu  menerima dengan senyum, betapa kita merasa seolah bertanya kepada anggota keluarga kita dan hilanglah segala ketakutan dan kegalauan. Senyum, senyuman dan tersenyum, seolah bahasa sorga yang sederhana namun bermakana. Maka marilah kita  tersenyum selalu dalam menghadapi dan menyikapi segala sesuatu. Taburkanlah senyuman maka akan kau tuai seikat suka cita.

Kehidupan ini semakin penuh dengan anega pergumulan, yang terkadang direfleksikan dengan satu penghayatan, SEMAKIN BERAT. Oleh karena itu, perna strategi jitu untuk mengurainya dan kemudian, meski merat, bisa dirasakan ringan serta menggairahkan. Ada banyak cara atau strategi, namun senyuman nampaknya masih bisa dijadikan sahabat untuk mengurai semua itu. Tersenyum adalah tindakan santai, rileks yang bisa melonggarkan otot-otok raga yang sudah terlalu letih dengan segala tugas serta perannya, maka dengan tersenyum, semuanya bisa terkendorkan.

Dan, jika ada yang kemudian marah dengan tulisan ini, karena sangat sulit untuk tersenyum, silakan saja, tidak menjadi soal. Atau kalau kemudian mau mengkomplain refleksi sederhana ini, silakan saja..santai aja Son…kata sebuah sinetron telvisi suatu ketika..Yang pasti, senyum adalah kekayaan purba makluk bernama manusia yang terkadang terlupa…

Suatu Siang Di Ujung Maret 2019

Mbah'e..

BLAWUR

Setu Wage 30 Maret 2019
BENINGE EMBUN ESUK

Pangentasan 32:7-14
Jabur 32
Lukas 18:9-14
“Wong-wong kuwi wis nyimpang saka dalan sing Daktedahaké. Wong-wong padha gawé sapi saka emas cor-coran, disembah sarta disajèni. Pangucapé wong-wong mau, ‘Yakuwi allah sing ngirid kita metu saka ing tanah Mesir.” Pangentasan 32:8

Mripat utawa paningal kuwi diparingake marang titah saka Gusti minangke jejangkepe berkah. Gunane mripat kuwi kanggo nyawang, lan sing disawang mesti nggolek sing endah-edipeni nyenengake ati. Mula bisa dijupuk dudutan utawa kesimpulan, yen mripat kuwi piranti, yakuwi piranti kanggo nyawang. Lumatar mripat, para titah isa nyawang lan mangerteni apa wae, baba bang lan ijone titah liyane. Kuwi kabeh menawa jik normal, ananging uga dimangerteni, yen sejene normal ya ana sing ora normal. Dene penyebab anane ora normal kuwi akeh banget, salah sijine kahanan mripat sing ora normal kuwi diarani BLAWUR.  Lha apa sejatine BLAWUR kuwi? BLAWUR kuwi kahanan sing dialami titah, nalika organ penting kanggo nyawang sing jenenge mripat iki wis ora sampurna anggone makarya. Dene penyebab BLAWUR kuwi manekawerna, ana sing merga sakit-penyakit, ning ya ana merga lelara sengaja. Lelara sengaja kuwi isa merga kekarepan utawa pepinginan.

Nalika bangsa ngisrael nembe mlaku tumuku marang Kenaan, lan ngadepi pepalanging urip, njur eling yen manut rumangsane, urip tinindes neng Mesir kuwi luwih penak seka mlaku adoh neng Negara asal usule. Rasa abot kuwi sing ndadekne BLAWUR, merga ora isa nyawang kersane Gusti sing luwih apik lan jinangka dawa. Lha sejatine abote merga apa sih?Kuwi merga akeh kahanan, merga ngrasakne mlaku kang adoh, ndadekne kesel lan lue uga ngelak, merga jarak sing kudu ditempuh adohe ngeram. Kabeh kahanan kuwising ndadekne  wong ngisrael BLAWUR mripate. Lho kok BLAWUR, titikane apa? Titik’ane merga  jare luwih penak neng pangawulan tinimbang mlaku adoh parane, lan rekasa kahanane. Bangsa ngisrael dadi BLAWUR lan ngrasa luwih penak tinindes neng Mesir, tinimbang mlaku adoh, sanadyan kuwi berkahe Gusti, supaya wal saka meneka werna praharaning urip. Merga BLAWUR karo sejarah kuwi, mula ora ko mertobat, malah nggawe rerekan sapi lan njur disembah. Yen ngene iki pora ya kenthir sethintir wong ngisrael kuwi??

Sejatine sing isa nemahi BLAWUR kuwi kabeh menungsa, klebu sing pada maca tulisan iki, lan sing dadi sebab-musaba’e isa wae luwih enteng tinimbang sing dialami dening wong ngisrael. Legi uda wae marakne BLAWUR karo berkahe Gusti, njur ora gelem ngabekti, lagi dipawartani yen butuh biaya kanggo iki lan kuwi, ben peladosaning pasamua sansaya maju, sambate ora ukur, lan malah njothak Gusti, ora manembah. Kuwi kabeh merga mripate BLAWUR, ning iki bab mripat batin utawa karohanen. Ana uga, nyawang kebutuhaning liyan, sanadyan luwih-luwih, njur meneng wae, iki ya merga BLAWUR kahanane. Mula, jaganen mripat sing saka Gusti, ora mung mripat jasmani, mripate karohanen kuwi ya kudu jinaga, ben ora BLAWUR.

“In, jian paklikmu kuwi ngisin-isine..hmmmm..”Dalijo, esuk rada awan nalika teka seka njakarta, crita karo I’in.
“Weh lha ngapa ta kang?”, Pitakonane Nduk I’in.
“Lha wong neng terminal bisa, ana wong wedok liwat mak kliwer ngono, njur Paklik mbengok, “..Wasti..Wasti Jo..!”. Aku ya bingung,merga raana Yu Wasti” Wangsulane Dalijo.
“Yungalah Lik, kok dadi BLAWUR sampeyan kuwi. Hmm,kuwi merga sing digagas mung Yu Wasti wae, mula nyanga njakarta, sing dipikir ora bulik Trinil,malah Yu Wasti..”Nduk I’in nuturi paklik’e.
“Jik ngengen-ngen ta Lik?Jik pengen ngapa jane ki?”, Dalijo takon,rasa sensitip.
“Crigis Jo, mbok menenga, luwih bagus yen meneng”, Lik Ndoleng sajak nesu, jik BLAWUR penggalihe sajak’e..

Mbahe..

NGUNGSI (1)

Jemuah Pon 29 Maret 2019

BENINGE EMBUN ESUK

Yusak 4: 14-24

Jabur 32

Lukas 18:9-14

“Paduka menika pangungsèn kawula, Paduka badhé nebihaken kawula saking karibedan; kawula badhé memuji kanthi sora, ngidungaken pangluwaran saking Paduka.” Jabur 32:7

Arang wong sing nduweni pengagen-angen arep NGUNGSI, merga manggon ana papan dununge dewe kuwi luwih kepenak. Ananging yen kahanane beda, NGUNGSI kuwi dadi pilihan sing ora bisa diselak’e. ana sing NGUNGSI merga ana prahara utawa bencana, ana sing NGUNGSI merga  netepi tanggung jawab pakaryane la nana sing “NGUNGSI” merga kudu ngetukt’ake bojo…pokok’e yen bab iki ana sing tersungging..eh tersinggung mesti klecam-klecom dewe..lha arep protes nyang sing nulis raweruh alamate..palinga sing weruh njur njapri..

Oiya, lha sejatine apa ta sing diarani NGUNGSI kuwi? NGUNGSI kuwi bab obah,mingset utawa alihan saka papan siji menyang papan liyane, adoh lan cedak ora dadi ukuran, sing baku pindah saka papan sakdurunge.

SEBUAH KEAJAIBAN

Juru Jabur nate mbabar piwulang bab NGUNGSI kuwi. Yakuwi nalika ngrumangsani yen sakdawane uripe tansah diindik dening panganceming urip. Juru Jabur ngrumangsani yen uripe ora nate walseka bab sing tansah ndadekne ndrawasi marang uripe, mula saka pangrasa kaya mengkono kuwi, Juru Jabur butuh papan pangungsen, sing tegese papan kanggo NGUNGSI. Juru JAbur sadar, ora ana papan sing paling aman neng jagad iki sakliyane ana ing pangaubane Gusti Allah, mula kapercayan mau dicritakne lan dadi piwulang tumrap sapa wae sing nate maca kitab Jabur.

Saka pengalamane Juru Jabur bab papan NGUNGSI mau, sejatine menunga kudu sadar yen kabeh papan neng njagad iki ora ana sing paling aman kejaba mung neng pangayomaning Gusti. Mula saka kuwi, orasah nggolek papan NGUNGSI sing aeng-aeng, orasah ndadak nggolek susuk lan rajah supaya aman seka apa wae, cukup matur karo Gusti, nyuwun diayomi. Matur karo Gusti kuwi pada karo NGUNGSI, lan mesti Gusti ora bakal tega, lan mesti Ngayomi menyang sapa wae sing NGUNGSI marang Panjenengane.

“Lik, mbok kang Dalijo kae, kapan-kapan diparakne nyang mae “wong pinter”, ben gekndang rabi, selak lumuten”, Nduk I’in sore kuwi, ngrembug klesak-klesik karo Lik Ndoleng  bab Dalijo, ndilalah Dalijone jik repot mbenerke kandang sapine.

“Hus, apane sing lumuten nduk?Ngko ndadekne wong sing  krungu rembugmu mikire sing ora-ora”, Semaure Lik Ndoleng.

“Kuwi lak mung ukara ta Lik, intine selak kang Dalijo tuek, mesakne ngko yen ra rabi sing arep ngrumat sapa. Mula kana, golekna “ wong pinter”, Nduk I’in ngedrel, sajak’e mikirake dulure lanang serius tenin..

“Wah, apik idemu In, jal’e sesuk tak takon kancaku sing apal bab kaya mengkono”, Wangsulane Lik Ndoleng sinambi nyruput kopine, lan ora sadar yen kabeh rembug’ane dirungokne Dalijo, mula njur njedul sinambi muni sajak nesu.

TIPS CEPAT HAMIL

“Maturnuwun wis pada nggatekne aku, ning ada dieling, iki kuwi pilihaning uripku. Aku mung arep NGUNGSI lan sambat karo Gusti, ora karo liyane. Sanadyan aku jikdewe, ning uripku bungah,,nyambut gawe serius lan ora tahu dadi repoting liyan. Mula kowe In, lan sampeyan Lik, rasah repot-repot nggolek wong pinter, Gustiku wis paling pinter”, Semaur ngono karo nyedak kursi,lungguh, nyruput kopi lan nyumet djarumsupere..Dene Lik Ndoleng karo I’in mung ndomblong kaya Jangkrik bar disunati..

Mula pada NGUNGSI’a marang pangunsen sing bener lan pener..

Mbah’e..

PEPELING

Kemis Pahing 28 Maret 2019

BENING EMBUN ESUK

Yasua 4:1-13

Jabur 32

Markus 12:28b-34

“..kandhakna yèn nalika Pethining Prejanjian dipikul, nyabrang, iliné Kali Yardèn kandheg ing kéné. Watu-watu mau bakal tansah ngélingaké bangsa Israèl marang apa sing kelakon ana ing kéné.”Yasua 4: 7

PEPELING kuwi asale seka tembung ELING, sing tegese ora lali marang lelakon sing  wis kawuri. Tansah eling kuwi ya bisa diarani kELINGan, utawa ora bisa lali. Mulane tembung PEPELING kuwi sabarang kalir sing isa ndadekne Eling marang sing nate klakon ing jaman biyen. PEPELING kuwi isa awujud  tanda, lan menungsa seneng nggawe tanda utawa monument sing tujuane kanggo ngeling-eling lelakon sing kawuri, apa meneh yen lelakon kuwi jian berkesan tenan. Muga-muga sing maca BENINGE EMBUN ESUK iki ya nate nggawe PEPELING, mbuh apa kuwi wujud’e. titik’ane yen maca tulisan iki sinambi meam-mesem, malah sing wis omah-omah, mbuh anyaran po kawak, nglirak-nglirik pasangane, njur mesam-mesem sinambi nutupi raine karo bantal..hehe..

6 + 5 = 13 Percayakah?

Eling lelakon sing wus kawuri kuwi mung  isa klakon marang menungsa, merga kewan ora duwe alat kanggo ngeling-eling. Mulane menungsa kuwi seka jaman mbiyen, senengane nggawe tanda-tanda minangka PEPELING. Sekasing awujud sederhana tekan sing ngedab-edabi. Ana ing tata uriping agama, akeh PEPELING kuwi, lan saiki dilakoni kanthi serius lan ditambahi paham yen kuwi kersane sing Kuasa. Kabudayan neng ngendi-endi papan ya seneng nggawe tanda minangka PEPELING, kayata Candi Borobudur lan sak kancane, kaya Mendhut,Prambanan lan liya-liyane. Kabeh kuwi minangka tanda PEPELING, digawe supaya sing sapa wae nyawang dadi eling.

Bab PEPELING iki uga ana neng piwulange Kitab Suci, malah sejatine akeh banget. Salah sijine neng Kitab Yosua. Neng bab 4 dicritakne nalika bangsa ngisrael nyebrang benganwan Yarden. Iline gede banget lan sing kudu nyebrang ora mung wong diwasa, ning ana bocahe cilik mbarang, lan ora ana Buk sing kanggo nyebrang. Lha lumantar pandonga lelambangan Peti Prajanjian isa nyebrang kanthi apik lumantar mujijat yen banyune mandeg iline. Mula saka kuwi, Yosua akon wong 12 seka suku ngisrael njupuk watu siji-siji, nganthi cacah 12. Watu kuwi sakbanjure dingo PEPELING marang anak-putu bab carane Gusti paring pitulungan. Mulane Yosua  ngakon kabeh wong ngisrael supaya mulangake kuwi marang anak putu, supaya ora lali marang pakaryane Gusti.

Ing jaman saiki mulangake lelakon jaman mbiyen marang anak putu kuwi wis kurang grengsenge tinimbang jaman mbiyen. Para wong tua mung sibuk nguyak banda utamane duwit, mula nganti lali memulang anak-anak’e bab lelakon-lelakon sing kawuri, apa meneh mulangake  crita Kitab Suci , tangeh lamun.. Lumantar BENINGE EMBUN ESUK iki, ayo pada nggawe tanda PEPELING marang lelakon apa wae sing klakon, lan menehi teges yen kuwi kabeh isa klakon merga pitulungane Gusti.

TIPS UNTUK BISA HIPNOTIS

“Maca buku apa kuwi In, kok sajak mesam-mesem dewe?”, Dalijo sore kuwi nakoni Nduk I’in nalika bubar bongkar-bongkar lemari nggo senthong.

“Hehe..iki lho kang, aku nemu buku lawas, crita lelakon sing kawuri..tahun sangangpuluhan..mbuh bukune sapa iki..” Nduk I’in wangsulan santene ngeram

“Weh, lha critane apa wae?”

“Anu, bab apa wae sing mbiyen, bab tresna, bab dolan, bab jajan Mie Ayam..bab  surat dibales lan radibales..pokok’e jian…” Nduk I’in mangsuli sinambi jik maca.

“Lha ana katrangane ora?” Dalijo sajak penasaran.

“Kuwi bukune sapa In?”, LIk Ndoleng melu cawe-cawe takon nalika njedul seka lawing ngarep, sajak’e seka warunge Yu Wasti, tuku kopi.

“Inisial’e ‘de’el’je” lho Lik..”Semaure I’in.

“Oalah, kuwi diarine Dalijo…hahaha..mesti critane bab Tarsi, yuh..sakne In, tiwas ditandani jebul wurung”, Lik Ndoleng sajak semangat entuk bahan ngece Dalijo..Lan Dalijo sajak mromong isin lan ya rada nesu..

“Bajingukk…iki Iin kok isa nemu buku kuwi ta ya…kuwi PEPLELING wekku je..”Batine Dalijo, merga meh muni wedi didukani para maos tulisan iki..

Mbah’e

NERAK

Rebo Legi 27 Maret 2019

BENINGE EMBUN ESUK

Wilangan 13:17-27

Jabur 39

Mateus 5:17-19

“Mulané sing sapa nerak salah sawijining angger-angger mau, senajan sing katoné cilik dhéwé, lan mulangaké marang wong liya nglakoni mengkono, iku bakal olèh papan sing asor dhéwé ana ing Kratoné Allah..” Mateus 5:19b

NERAK kuwi tegese mlaku lan midhak, dene mlaku kuwi sawijing tumindak kang dilakoni kanthi sengaja lan sadar. Dene NRAK kuwi akibat seka laku sing dilakoni dening sikil, mbuh kuwi sikile sapa. Dadi NERAK kuwi kahanan nalika ana sikil sing dienggo mlaku lan midhak. NERAK isa uga sawijining lelaku sing nglanggar sing kudune ora dilakoni, NERAK isa uga  sawijing tumindak sing nabrak pranatan-pranatan sing lumaku.  Sejatine tegese temung  NERAK kuwi netral, merga tegese lumaku, ananging sing kelakon tembung NERAK kuwi  ditegesi negative.

SING NEMBE DIBURU

Bab NERAK kuwi nate diwulangake Kitab Suci, yakuwi dening Gusti Yesus, nalika ana saperangan wong sing rumangsa rawuhe Gusti Yesus kuwi meh ngilangake Toret. Gusti ngelik’ake, yen rawuhe kuwi ora arep ngilangake, malah arep njangkepi murih sampurna. Lan uga ngelik’ake marang wong akeh, yen ana sing NeRAK Toret, sanadyan  kuwi mung cuilik, bakal entuk paukuman sing nggegirisi. Kuwi kabeh sejatine dadi pepeling marang sapa wae, klebu sing maca tulisan iki, yen bab NERAK utawa gobras-gabrus nabrak tatanan kuwi ora becik. Tatanan kuwi digawe supaya tumata, ananging ya tetep sadar yen tatanan kuwi digawe kanggo mranata uripe menungsa, dudu menungsa sing kudu urip kanggo pranatan kuwi.

Mula saka kuwi, kudune urip iki tansah ngati-ati, aja gobras-gabrus lan njur NERAK pepakon-pepakon sing ana. Urip bebarengan kuwi akeh pranatane, mula kudu paham supaya isa nglakoni kanthi becik. Sakwise paham, mesti mikir dawa yen meh NERAK apa sing dadi pranatane urip bebarengan. Ananging ya tetep akeh sing senenane NERAK apa singdadi pranatane urip bebarengan, merga kuwi  watak dudu watuk, yen watuk isa ditambani, yen watak angel tambane. Merga watak’e seneng NERAK, mula ya urip dadi kedusang-dusang, sing repot yen akibat NERAK kuwi liyan sing direpoti, mula aja njarag njur sengaja NERAK pepakon.

“Paklik, njamane sampeyan mbiyen dadi anggota majelis greja, pernah ijin ora rapat pleno pora?”Takone Dalijo nyang Lik Ndoleng.

“Lha ngapa ta Jo, kok ndadak takok bab kaya kuwi?”, Lik Ndoleng semur karo nyruput the, merga nembe wedi karo kopi.

TIPS MERAWAT BAYI

“Wong mung takon wae kok Lik, jenenge takon ya pengen ngerti. Lha aku tau ditakoni Kang Tatag, piye gelem dadi majelis ra?, Ngone ok Lik”, Wangsulane Dalijo.

“Paklik ki nalika dadi anggota mejelis arang lho kang…”, Nduk I’in melu cawe-cawe.

“Arang pye In?”, Dalijo nakoni I’in.

“Arang mangkat rapat, alesane ana wae, ning sajak’e sing pas, nyepelekne timbalan. NERAK janji, lha jare mbahndito, rapat kuwi salah siji tugas pokok aggota majelis lho kang”, Nduk I’in ndremimil mbuh kesampyuk roh apa sore kuwi.

“Pancen bener Jo, aku ora isa dadi conto bab nindakne timbalan pradata, kerep nglirwakne. Bener kaya omongane adimu wedok, aku wis NERAK janjiku karo Gusti”, Akune lik Ndoleng.

“Wah, siap-siap nampa bebendu wae Lik..”Dalijo mangsuli , semune ngancem..

Mbah’e..

MANGRO

Selasa Kliwon 26 Maret 2019

BENINGE EMBUN ESUK

Yehezkiel 17:1-10

Jabur 39

Mateus 18:21-35

“Banjur ana manuk garudha liyané, iya gedhé banget, swiwiné amba banget lan wuluné éndah. Anggur mau uga banjur mrambat marani garudha, kanthi pengarep-arep supaya olèh banyu luwih akèh ketimbang karo sing ana ing palemahan sing dienggoni.” Yehezkiel 17:7

Pokus kuwi penting, malah isa dadi penting banget nalika sing diadepi bab sing wigati banget. Yen nganti gagal pokus, isa badar sak kabehe. Isa kanggo conto tumrap wong kang lagi mbedil lan nembe nginceng, sepisan wae gagal pokuse, mesti badar pagaweane. Dene sing marakne gagal pokus kuwi akeh banget, ananging siji sing utama, yakuwi MANGRO.. Tembung MANGRO,  kuwi tegese mapanake samubarang dadi loro, mula angel nduweni pokus. Ana ing tataran bebrayan, iki isa diarani cikal-bakale slingkuh, dene ana ing tataran kapercayan utawa agama, iki isa diarani tumindak nyingkur saka kapercayane.iki mbebayani banget, mula ana ing babagan usaha, pokus marang siji kuwi wigati banget lan MANGRO isa ndadekne badar’e usaha kuwi.

MESIN PENCETAK UANG

MANGRO kuwi ora apik ana ing urip iki, mulane ana ing piwulang Kitab suci ya dadi pokok piwulang sing penting. Neng Kitab Yehezkiel 17 bab MANGRO iki nate dadi pokok piwulang, kuwi nalika umat kagungane Gusti, sing wis dirumati Gusti, noleh marang sing liyane. Anggone noleh utawa MANGRO marang sing liyane kuwi merga ngarepake isa nampa luwih seka sing wis diparingake Gusti. Mulane Gusti banjur duku, Gusti ora kersa “diduakan”. Gusti ora kersa yen umat kagungane malah pada MANGRO tingal. MANGRO tingal kuwi nelak’ake yen uripe ora nate marem, tansah ngorong. Lha sing mbebayani yen ngorong utawa ora mareme kuwi bab sing ora dadi kersane Gusti, mula nggolek sing liyane. Manut kawicaksanane Gusti, berkah saka Gusti kuwi wis pas, cukup malah kepara luber, mula ora usah MANGRO neng apa wae.trima lan syukurana, kuwi pondasine urip, MANGRO kuwi pawadan sing ora becik.

“Lik, mbok aku dicritani, sejarahe mbiyen kok isa omah-omah karo mbok cilik Trinil?”, Nduk I’in ujug-ujug sore kuwi nakoni bab wigati neng Lik Ndoleng. Lan rungasi aweh wangsulan, kedudul Dalijo ya mangsuli.

“Kuwi merga kepepet In, selak kasep, selak tuwa, tiwas nunggu Yu Wasti, jebul ora digagas, malah ditinggal..hehe. Ya kan Lik?”

YANG LAGI BOOMING

“Weh, jebul ngono sejarahe ta kang Dal?Mulane tekan saiki sajak abot ngeculke Yu Wasti, jik boa-bali ngopa-ngopi lan tuku udud neng warunge Yu Wasti, ndak bener omonge kang Dal kuwi Lik?”, Nduk I’in nakoni nricis kaya grojokan kali pas mangsa rendeng. Lik Ndoleng nganti bingung meh mangsuli sing endi.

“Trondoloo..lha yen ngene iki aku gagal pokus cah….kon mangsuli sing endi sik???Iki sing jenenge meksa aku MANGRO, arep mangsuli I’in po kowe sij Jo…tinimbang mumet, aluwung tak tuku udud sik, nyang warunge Wasti, mumpung Markun piknik nyang mbali”, Mak klebat, Lik Ndoleng lunga, jare arep tuku udud nyang warunge Yu Wasti.

Mangsuli siji pitakonan kuwi angel, apa meneh rong pitakonan, isa marakne MANGRO. Mula saka kuwi urip iki ya kudu nduweni pokus, ben ora gampang noleh lan MANGRO tingal, ndrawasi..isa kaya Lik Ndoleng, mlayu nyang warunge Yu Wasti..hihi..

mbah'e

MAAF, JIKA KUPERNAH MELUPAMU

Aku tidak akan pernah melupamu kawan. Darimu aku bisa belajar tentang kehidupan ini. Darimu aku bisa bercermin tentang sebuah proses, sebuah perjalanan. Darimu aku bisa memaknai bahwa seluruh kehidupan ini bermakna. Darimu pula aku juga bisa menakar kadar kehidupanku, ada di mana dan dalam kondisi seperti apa.

Benar bahwa engkau selalu hadir dalam BENING yang tiada terlawankan, oleh apapun. BENING dalam dirimu adalah keabadian, semenjak purbakala, engkau ada dan mengada dalam keadaan seperti itu. Takpernah kau berupaya tampil beda, meski diterjang masa. Engkau melewati seluruh jalan hidupmu dengan sederhana, sesederhana keberadaan dirimu.

SEBUAH KUNCI KESUKSESAN

Sejarah tidak begitu menjadi ornament tampilanmu, karena memang sejarahmu adalah kehidupan yang takjua bisa terpisah dari dirimu. Seperti apapun sejarahmu, sesulit apa jalanmu, engkau selalu tampil sempurna kawan, BENING dan lembut. BENINGmu mengalahkan kekeruhan dan lembutmu menentramkan. Engkau selalu hadir sesuai waktumu, menjelang pagi dan kemudian engkau pergi dengan santun dan damai kawan, tak pernah engkau mengeluh akan hadirnya cahaya yang menghempaskanmu.

Bagimu, cahaya adalah sahabat yang mengantarkanmu menuju tampilan yang berbeda, sehingga meski menghempaskanmu, bagimu itu adalah cara cahaya menyayangimu. Sungguh sempurna cinta yang kau hidupi kawan. Dan manakala dirimu ada, karena memang ada, namun tiada,karena memang sedang mengada dalam ketidakterlihatan, engkaupun tetap memberikan sejukmu untuk semua di sekelilingmu. Mungkin, atau malah pasti, mereka tak pernah menganggapmu dan bahkan merekalah yang ikut menghempaskanmu, namun tetap saja engkau memberikan dirimu untuk mereka.

Kawan, aku tidak akan pernah melupamu, meski terkadang lupa menyapamu. Lupa yang sering kujadikan alasan demi membela dirimu, juga sibuk. Sering aku gagal menghatgai waktu dan juga mengelolanya. Menyapamu bukan soal sempat, namun tentang nilai kehidupan. Maaf jika aku terkadang melupamu, karena lupa itu terkadang kusengaja. Maaf jika aku terkadang mengabaikanmu, meski pelajaran darimu tetap mengalir takjua pernah berhenti.

Pagi ini, kembali engkau menantiku untuk bercermin tentang kehidupan. Terima kasih sudah tersenyum, manakala gelap masih memeluk semesta, namun BENINGmu bercahaya diantara temaram. Di ujung daun-daun jambu dan rambutan, bergelantungan engkau mencumbu semesta. Dan dari BENINGmu,ada pantulan pijar lampu-lampu d sekitarmu, dan dengan sukacita engkau memantulkannya. Memnatulkan untuk siapa saja, bahkan mesti pantulanmu tiada yang menghargai, engkau tetap setia memantulkan cahaya itu..

Terima kasih kawan, meski aku melupamu, namun engkau tetap setia dengan fungsimu. Lupa ini, sering kujadikan alasan untuk tidak menyapamu, dan juga sibuk. Entahah, apakah ini alasan yang abadi atau sekedar keenggananku mengingatmu. Satu lagi, kesibukan. Sering dalih sibuk dan beda focus, menuntunku kepada pengabaian akan dirimu, padahal darimulah aku bisa melihat kesejatian hidup. Darimulah aku bisa melihat kesederhanaan hidup dan ruh keabadian untuk mengabdi, meski takterhargai..

Selamat pagi kawan, maaf aku telah melupamu. Sebentar lagi, engkau akan mengada dalam beda, engkau akan menyatu dengan nafas semesta. Menghinggapi siapa dan apapun di sekitar kehidupanmu. Sebentar lagi, sahabatmu yang sejati, Cahaya, akan menghempaskanmu, namun engkau menerimanya dengan senyuman, karena itulah cara cahaya mencinta dirimu..

Selamat mengada dalam beda kawan..maaf jika aku sudah (pernah) melupa akan dirimu…

Nalen25032019

WELING

Senen Wage 25 Maret 2019

BENINGE EMBUN ESUK

Mas Welingmu Bab Jerawat Pancen Josss!!

Yeremia 11:1-17

Jabur 39

Lukas 4:24-30

“Nalika para leluhuré Dakentas saka tanah Mesir wis Dakweling kanthi banget supaya padha mbangun-turut marang Aku, lan weling-Ku mau ora kendhat-kendhat Dakambali tekan sepréné. Nanging wong-wong mau ora padha ngrungokaké lan ora padha mbangun-turut. Saben wong tetep mangkotaké atiné lan nglakoni piala kaya sing uwis-uwis. Padha Dakdhawuhi netepi Prejanjian, nanging ora ngèstokaké. Mulané nuli Dakdhawahi paukuman sing kasebut ana ing Prejanjian mau. ”Yeremia 11:7-8

WELING kuwi tegese sabarang kangwigati kang dititipe’ake supaya dilakoni. Seka tembung WELING iki uga ana jarwadasan’ne, yakuwi disuWELne supaya dieLING. Disuwelne kuwi didelehne ana ing sakjroning kemben utawa kotang, mula wis mesti arang laline. Lha piye arep lali, wong kemben lan kotang kuwi wektune nganggo ora suwe, paling suwe sedina, kejaba sing ora nate ganti kemben lan kotang…Mula saka kuwi, WELING kuwi minangka pagawean sing penting utawa wigati tenan, merga yen ora penting, mesti ora diWELINGke. Lan yen nganti lali nglakoni WELING mau, mesti mbebayani. Dene sing isa nindakne WELING iki mau saben wong, isa cah cilik marang wong diwasa lan uga wong diwasa marang cah cilik.

TUNDUNGEN JERAWATMU

Bab WELING iki nate dadi piwulang lumantar Kitab Suci, pernahe ana ing Kitab Yeremia. Ing kana Gusti mulang bab kaya ngapa polahtingkahe para leluhur bangsa ngisrael bab netepi piWELING’e Gusti. Bola-bali diWELING’I ora nate dilakoni, bola-bali dielikna ya bola-bali nglirwak’ake. Manut kersane Gusti, anane WELING kuwi merga perkara sing jian penting temenan, mulane tansah diWELING’ke, ben ora lali, merga yen lali isa dadi srana tumekaning bilahi. PiWELING’e Gusti kuwi jan-jan’e ya ora abot lho, wong mung kon mbangun turut marang Gusti, ning sanadyan diWELING dening Gusti, ananging wong ngisrael ora pada ngrungok’ake. Lha kapan arep nglakoni yen ngrungok’ake wae ora gelem?Iki sing kerep dadi lantaran Gusti duka, lan yen duka kuwi tekan pungkasane, mung paukuman sing bakal klakon.

Sinau saka Kitab Yeremia, iki isa dadi kaca pengilon tumrap sapa wae. Ngati-ati karo piWELING, aja baen-baen, aja sembrana. Eling-elingen lan njur lakonono, aja nyepelekne, merga nyepelekne WELING pada karo nyepelekne sing meling. Lan uga kudu dadi paugeran, yen nganti diWELING’ake kuwi tegese perkara sing jian pentinge ora njamak, mula aja sembrana…

“Jo, mbok aku tak weruh, apa sing ndadekne sliramu milih dadi wong tani, kamangka cah nom neng ndesa kene kabeh pada bara neng kutha. Nyambut gawe resik lan ora rekasa?”, Lik Ndoleng wengi kuwi pas ngopi neng lincak sor jambu nakoni Dalijo, ndilalah pas ora udan lan padang mbulan.

2 X 4 = 13

“Merga kuciwa nyang kutha Lik, neng njakarta ngko malah cedak ning ra ndemak karo Tarsi”, Nduk I’in kaya padatan, nyoal-nyael sanadyan dudu sing ditakoni.

“Lambemu crigis In, kaya ngerti-ngertio wae!!! Anu Lik, iki merga WELING seka swargi bapak lan simbok, supaya ngrumati omah, tegal lan sawah. Mula kudu taklakoni. Lan aku nglakoni kanthi bungah kok Lik” Semaure Dalijo sareh, sinambi klepas-klepus sajak segere ngeram.

“Weh, jebul kaya ngono ta kang Dal..takiramung ngendani Tarsi”, Nduk I’in jik semaur sajak ngece.

“Hmmm…taksampluk atusan ewu kowengko In, ben meneng. Lha emange paklik, ora isa nepati janji, jare ora arep mompar-mampir warunge Yu Wasti, ananging mung nggolek alesan wae, ben isa mampir. Lali WELINGE bulik Trinil..hehe” Dalijo semaur, sajak ngece Lik Ndoleng.

“Kecuk mbendho..malah ngece wong tuwa..”Lik Ndoeng ngunjuk kopi meh kesegrak, merga diece Dalijo..

Mbah’e..

DITEGOR

Minggu Pon 24 Maret 2019

BENINGE EMBUN ESUK

Yesaya 55:1-9

Jabur 63:2-9

1 Korinta 10:1-13

Lukas 13:1-9

“Mulané wong mau banjur kandha karo tukang keboné: ‘Wis telung taun lawasé enggonku ngarep-arep pametuné anjir iki, nanging ora tau awoh siji-sijia. Mulané wit iki tegoren waé. Sebab apa gunané wit iki urip, tiwas mung ngentèkaké lemèn sing ana ing lemah waé.” Lukas 13:7

DITEGOR kuwi seka tembung “negor”, iki basa Jawa dudu basa ngindonesa, mula negor kuwi tegese nebangi wit-witan. Piranti sing isanggo negor kuwi isa graji , arit,wadung lan alat liyane. Yen wis dong tegese negor, mula ya kudu paham apa ta kuwi DITEGOR. Mula saka kuwi manut pangertene sing nganggit lan nulis BENINGE EMBUN ESUK iki, DITEGOR kuwi tegese wit sing ditebang, dimbrukke,dijugarke. Dene sebab kok isa DITEGOR kuwi ya maneka warna, ana merga wit kuwi wis tuwa, merga wit kuwi dibutuh’ake kanggo mbangun omah lan uga merga wit kuwi wis ora migunani tumraping urip sing baku.

INTERNET UNTUK KESEJAHTERAAN

Bab negor lan DITEGOR kuwi nate dadi piwulange Gusti Yesus. nalika semana Gusti nembe wae rampung mulang bab dosa lan kasangsaran, njur migunak’ake pasemon bab urip sing maedahi lan ora. Pasemone bab wit Anjir sing ditandur  neng sak sela-selane kebun Anggur. Dene tujuane kok kebun anggur ana tandurane Anjir kuwi merga wit anjir dadi “lanjaraning” urip wit anggur. Saben pirang etungan wit anggur kudu ana wit anjire. Sanadyan ditandur ana saktengahing kebon anggur ning fungsine wit anjir kuwi ya gede banget, merga tata alamiah wit anjir kuwi (kudune) woh saben wayah, ora musiman. Gunane nalika pada ngrumat wit anggur, isa njupuk wohing Anjir kanggo ngganjel rasa luwe. Lha ndilalah kok wis telung tahun ora tahu ngetokne woh, kamangka wite ngrembuyuk, katon subur. Mula sing nduwe kebon ya ngamuk, duka yayah sinipi, njur akon tukang kebone supaya NEGOR wit Anjir kuwi mau.

Merga telung tahun ora ngetokne woh, mula karo sing nduwe, wit Anjir kudu DITEGOR. Iki bab sing lumrah,merga uripe wit Anjir kuwi ora maksimal. Ditandur merga ana ancas manfaat, ananging mung isa nglakoni sethitik, mula yen meh DITEGOR sing nduwe, ya lumrah wae.

Saka piwulang iki, sapa wae isa ngilo utawa ngaca, apa uripe wis ngetok’ake woh sing banget dibutuh’ake dening sing kagungan urip? Wis pirang tahun ora ngetokne woh?Yen ora ngetok’ake woh, ateges uripe mung dadi sesandungan, dadi tukang ngentek’ake pangananing urip tumrap liyan, lan iki malah dadi sumbering pangrusak, mula ya kudu siap yen meh DITEGOR njur diguwang karo sing nduweni urip.

PETANI MILENIAL

“Kang Dal, paklik Ndoleng wingi sore diamuk bulik Trinil. Lha mung kon ngaruhke mbahe bocah-bocah seka bulik Trinil wae angele ngeram, kamangka wis bola-bali dielikne, kong ngaruhke”, Nduk I’in wadul karo dulure lanang.

“Karan yen Paklik kan ya ngono kuwi. Yen bab Yu wasti wae, orasah dikon isa wae nggolek alesan kanggo nyawang. Mbuh kentek’an udud, tuku obat nyamuk, ngeterke undangan lan apawae, isa nggo alesan kanggo methuk’i Yu Wasti. Bareng kon ngaruhke mbokne Bulik Trinil wae kakean alesan. DITEGOR sesambungane bebrayatan gek njalingi ngko”, Dalijo Sajak mangkel karo polahe pakne cilik.

“Biyuhh..jebul pada ngrasani aku..matur nuwun cah wis pada mbok elikna. Aku cen luput, arang nggagas wongtuaku, ya mertuaku. Kamangka mung dikon ngaruhke, ora njaluk liyane. Untung mbok elikna cah..yen ora klakon DITEGOR tenan kahananku” Lik Ndoleng nyauri sinambi klunuh-kulunu seka pawon.

“Lha Yu Wasti piye lik?”, Dalijo takon meneh.

“Hush..menenga, angon wayah Jo…” Saurane Lik Ndoleng..

Mbah’e..

(M)BUBRAH

Setu Pahing 23 Maret 2019

BENINGE EMBUN ESUK

Yesaya 5:1-7

Jabur 63:1-8

Lukas 15:1-3,11-32

“Kurang apa enggon-Ku ngrumat kebon anggur-Ku? Nanging yagéné wohé kokkecut, ora legi kaya sing Dakkarepaké? Saiki beciké kebon anggur mau Dakkapakaké? Mengkéné: Pager kawat sing ngubengi kebon iki arep Dakbubrah, témboké Dakrubuhaké, supaya kéwan galak padha bisa mlebu lan ngidak-idak tandurané.”Yesaya 5:4-5

Ana rong gawean neng urip ing jagad iki, sing lelorone wolak-walik’an. Sing siji mayar utawa gampang dene sijine angele ngeram. Lha njur apa ta gawean kuwi? Jenenge gawean iku yakuwi mBUBRAH lan nDANDANI. mBUBRAH kuwi seka tembung BUBRAH, sing tegese ndadekne sabarang kalir luih elek tinimbang sakdurunge, dene nDANDANI kuwi ndadekne sabarang kalir luwih apik tinimbang sakdurunge. Yen dikon milih nglakoni, mesti kabeh milih nDANDANI tinimbang mBUBRAH, ananging yen dijak ngrasak-ngraka’ake, mesti sing dilakoni akeh mBUBRAH’e tinimbang nDANDANI. Hayo jujur wae, rasah plinthat-plintut, kuwi sing maca karo ngopi, malah mesam-mesem dewe, diarani wong waras lho mengko..hehe..

RAHASIA KESUKSESAN

Mbalik neng bab mBUBRAH lan nDADANi mau,  ana ing Kitab Suci ya nate dadi pokok piwulang. Bab iki klakon nalika Gusti lumantar Yesaya mulang bab urip lumantar pasemon bab Kebun Anggur. Lha olehe ngrumat kebun anggur kuwi ora kaya-kaya, sregep,gemati,tresna,setya lan kuwi kabeh kanthi pengarep-arep cikben mengkone wit-wit anggur ing kebon kuwi mangsane uwoh ya ngetoka’ke uwoh. Lha bareng bola-bali ditekani,diarep-arep uwohe ora njedul, sing nduwe ya dukayayah sinipi, nesu lan lumrah yen njur mutung semutung-mutungnya..hehe..Mula njur ngengel kaya neng Yesaya 5 ayat 4 lan 5. Olehe ngrumat wis maksimal, lha bareng ora uwoh ya gumantung sing nduwe. Mula sakbanjure sing nduwe kebon anggur kuwi meh mBUBRAH kebon anggure, ngrusak tatatane ben para kewan galak mlebu lan ngidak-idak.

Nesune sing nduweni kebon anggur pol tenan, mula saking nesune niate wis golong-gilig, kebon anggure arep diBUBRAH,arep dirusak,arep dijur-jur. Yen iki minangka piwulange urip tumrap menungsa, saiki ayo pada ngilo bab uripe dewe-dewe, apa awak’e dewe minangka “Kebun Anggure Gusti”, wis isa ngetok’ake “wong anggur” kaya sing dikersakne Gusti?Yen durung lan njur uripe dewe dirusak Gusti, ya aja sambat..sadara yen cen uripe dewe iki durung ngetokne who sing becik. Minangka anak, durung isa mbangunturut marang wongtua, minangka wongtua durung isa nggulawenthah anak sakmestine, minangka bojo durung isa ngemong sakbenere lan minangka warganing pasamuan durung isa misungsungake urip kaya kersane Gusti. Mula saka kuwi, yen rumangsa pada durung ngetok’ake wong sing jumbuh karo kersane Gusti, siap-siap wae uripe awak’e dewe iki diBUBRAH  dening Sing Kagungan.

“Jo, ngapa sore mau rasida madang?”, LikNdoleng nakoni Dalijo, merga sore mau ora madang kaya padatan.

“Ramathuk lawuhe Lik, merga mung jangan terong”, Nduk I’in sing mangsuli, merga Dalijo mung meneng wae, saja mebah-membih sakjroning ngalamune.

“Ditakoni malah membah-membih, ora sumbut karo gagragmu Jo..ngapa malah arep nangis?”, Lik Ndoleng sajak esmosi.

“Aku mung kelingan swargi Simbok Lik, In..yen ana jangan Terong. Mbiyen merga aku ora doyan jangan terong, njur dikelakne jangan kuwi, ora tak pangan, malah takbruk’I uyah sakplastik. Simbok ya mung meneng wae, lan ngendika jare yen isa nggolek sing luwih enak arep digolekne. Saiki bareng simbok wis ora ana, aku lagi doyan jangan terong, lha mbuh sore mau arep mangan kok ndilalah kelingan Swargi…”Dalijo olehe mangsuli karo prembah-prembih.

“Mula saka kuwi Jo lan kowe In, mbangun turut karo wong tuwa kuwi penting, sanadyan sok-sok ya njengkelke, ning mesti tujuane apik..aja nganti kebacut, wis mati nembe kelingan. Manut pituture wong tuwa kuwi kaya nDANDANI urip, dene ora manut,ora ngajeni wong tuwa kuwi mBUBRAH urip..wong tuwa kuwi mung njaluk diwongke..kuwi wae…”Lik Ndoleng mungkasi kojahe, merga jebule tulisan BENINGE EMBUN ESUK wis daya banget, ngrumangsani sing maca sok mangkel merga dawane ngeram..

Mbah’e…