NULAR

Senen Pon 28 Januari 2019

BENINGE EMBUN ESUK

Yeremia 36:1-10

Jabur 119:89-96

Markus 6:34-44

“Gusti Yésus ndangu: “Kowé isih padha duwé roti pira? Coba, tilikana!” Para rasul padha niliki, banjur padha matur: “Wonten roti gangsal, lan ulam kalih.” Markus 6:38

Ora kabeh sing diarani NULAR kuwi elek, sanadyan ya ora kabeh apik. Yen babagan penyakit mesti kabeh pada gigrik yen ana penyakit sing NULAR, merga sing durung kesawaban penyakit kuwi isa wae ing liya wektu kena pokal gawene pirus sing ndadekne penyakit kuwi. Ananging yen babagan sing apik, takkira perkara NULAR kuwi kudune diupayakne, supaya sing apik isa NULAR utawa nulari wong siji lan sijine. Yen perkara apik kkuwi isa NULAR ana neng saktengah masyarakat, mesti sing bakal klakon mung sabarang kang sarwa apik, ananging iki dudu perkara sing gampang, mergane bab sing apik wae kala-kala jik angele ngeram NULAR’e.

Crita bab Gusti Yesus maringi pangan wong limangewonen neng Kitab Suci kerep dadi crita idola, crita sing nggumunake lan malah pengen kuwi klakon ana neng uripe, yakuwi ngalami mujijat. Aku yakin kinnn…yen sing maca tulisan iki ya pengen ngrasakne mujijat, ananging yay akin yen kon “Nyuwil” rotining urip utawa sanguning urip ya abote ngeram.

Crita bab Gusti Yesus maringi pangan wong limangewu kuwi sejatine oramung bab mujijat, 5+2 dadi uakehe ngeram, ning ya ana aspek gerakan kesadaran kolektif, jare wong-wong pinter  kolektip konsignes mopement (logat jawa ben ilate ra kecakot..hehe). lire kepiye? Nalika wong akeh pada luwe, njur adoh warung, njur Gusti Yesus ndangu murid’e kon nggolek pangan. Ananging para murid alesane entek amek kurang golek. Ning wis sore,adoh,kesel,butuh duwit akihh…jian persis alesane wong gekaje yen mbutuhake samubarang, enda siji lan sinne..hiihi..

Sakwise kabeh pada alesan, njur Gusti takon, ana sing nggawa roti pira, jebul sing blaka, blakkotang terus mbuh mung siji, njur Gusti nyuwun roti lan iwak kuwi, didongakne, njur dicuwil-cuwil..

Kabeh wong sakdurunge didumi roti karo iwak kon lungguh, kuwi mratandakne pasrah,lan bareng didumi cuwilan-cuwilane roti, kabeh warer..malah turah 12 wakul..pora jian poll Gusti kuwi..kuwi kabeh merga Gusti nuwuhake kesadaran ben pada gelem ngedum rotine,NYUWIL rotine. Gusti ngersakne tumindak apik kaya dene ngedum roti kuwi NULAR marang siji lan sijine..

“Mang mbengi mulih jam pira lik seka mae Wo Merto?”, Dalijo nakoni pakne cilik, bab mulihe mau bengi seka mbayen putune Siwo Merto.

“Jam sewelas Jo, lha wong Markun rabetah melek, mung ungapangop wae, jebul kuwi malah NULARI aku, ya njur tak jak mulih”, Wangsulane Lik Ndoleng.

“Wah, mesti ngeterke kang Markun, njur nglirik Yu Wasti?”, Dalijo takon semu ngece.

“Dus..ora Jo, mung tekan prapatan, njur aku bablas mulih…iki kuwi aku mung gumun, jebul bab angop wae isa NULAR ya, pomeneh yen sing NULAR kuwi bab sing apik, mesti urip bakal esip..” Lik Ndoleng semaur, karo sajak ngarep.

“Ning angel Lik, saiki sing akeh malah pada jib-jib’an, bab nggreja ya mengkono, wea pada NYUWIL rotineing urip. Kae buktine,pada tuku mobil sakdeler kabeh, inpestasi lemah neng ngendi-endi, nggawe omah neng akeh nggon, ning mung arep tuku Honda nggo pak pendeta wae, biyuhh…angele pol..wegah do ketularan sing apik”, Karo mecucu Nduk I’in muni-muni..

“Innnnn..jongamuk, kingko diwaca warga greja nek nesu piye??”, Dalijo muni sajak kuatir..

Mbahe..