Setu
Pahing 16 Januari 2021
BENINGE
EMBUN ESUK
1
Samuel 2:21-25
Jabur
139 :1-6,13-18
Para
Rasul 13 :16-25
“Kawula linggiha utawi ngadega Paduka
uninga, Paduka mirsa osiking manah kawula saking katebihan. Paduka nguningani
manawi kawula lumampah utawi ngaso, saha salampah-lampah kawula Paduka
uningani.Sabab saderengipun ilat kawula ngedalaken tetembungan, sayektosipun
Paduka sampun nguningani punika sadaya, dhuh Pangeran Yehuwah.Paduka ngempit
kawula saking ing wingking lan saking ing ngajeng, lan asta Paduka tansah
Paduka ungkulaken ing kawula. Kawruh ingkang makaten punika langkung dening
elok tumrap ing kawula, inggilipun ngantos boten kenging kawula gayuh. “ Jabur
139:2-6
Jarening jare, tembung NGELMU kuwi
asale saka tembung lingga “ilmu”, sing tegese kawruh bab samubarang. Yen
sakbanjure dadi NGELMU kuwi tegese kawruh kang tinindakake utawa dilakoni. Yen
mung kawruh wae, kuwi ora ana manpaate babar blas marang kahanan utawa liyan,
ananging yen ilmu kuwi katindakake utawa
kang kinaranan NGELMU, kuwi nembe ana pungsine. Coba dipikir sinambi
udud lan wedangan, yen ana wong sing nduweni ilmu bab sopir kan isa diarani “isa
nyopir”, ananging ora nate digunaake, apa manfaate jal? Sing pakaryane dadi
sopir olih mesem, pomeneh wis pengsiun njur ben kesuk “dikopeni” bojone sing
jik ayu moblong-moblong kaya gemblong dibungkus godong..hehe. Mbalik neng bab
NGELMU, kuwi isa isane migunani nalika bab pangerten kuwi dadi lakuning urip.,
uga pangerten bab iman utawa agama, yen mung ngerti ananging ora dilakoni ya
dudu NGELMU,kuwi mbuh apa jenenge.
Paseksine Juru Jabur neng Jabur 139
ayat 2-6 apik kanggo pasinaon ing dine setu iki. Neng kana Juru Jabur nulis apa
kang dadi pengalamane (pengalaman kuwi pangerten lan lelakon kang nate dialami), yakuwi bab pangwasane
Gusti Allah. Manut Juru Jabur, mbuh ngapa wae polahe, Gusti Allah pirsa, lan
apa kang dimangerteni bab iki dilakoni, mula isa diarani NGELMU. Dadi, cekak
aose, Juru Jabur kuwi mbiyen jebule wis ngondeli NGELMU kasekten sing
ngedab-edabi, yakuwi kawruh ing batin yen sakparipolahe dimangerteni dening
Gusti Allah. Mulane Sang Juru Jabur njur ora wani tumindak “bain-bain”, amarga
NGELMU kang dipatheg nuntun marang kesadaran, yen Gusti Allah kuwi maha pirsa.
Ing jaman saiki bab pangerten yen Gusti
Allah kuwi maha pirsa meh kabeh wong (klebu sing macatulisan iki, merga inyonge
yakin sing isa maca bung bangsane menungsa…xixix), ndueni ilmu bab pangwasane
Gusti Allah,, ananging yen pangerten kuwi ditindakake utawa dilakoni, Sik,
mengkodisik!! Mbokmenawa ora okeh sing mapaneke NGELMU kang kaya mengkene iki.
Lho, kok isa kuwi nalare kepiye? Ngene nalare, meh kabeh menungsa nduweni
pangerten bab pangwasane Gusti Allah, ananging ora okeh wong sing mapanake
NGELMU kang kaya mengkono kuwi, buktine jika okeh sing ngapusi, ngrasani, mutungan,nesunan,
kopropsi lan uga..hehe…”nolah-noleh” sanadyan wis nduwe dewe neng ngomah..hehe,
kuwi lak conto sing ora isa mapanae NGELMU bab kawruh marang Gusti Allah. Dadi,
puputane, sanadyan ngerti bab pangwasane Gusti Allah, durung temtu isa mapanake
bab kuwi ana ing uripe, beda kaya Juru JAbur, ngerti ya nglakoni, kang
kinaranan NGELMU.
“Weh, ududmu tik saiki jisamsu Lik,
bajekna, entuk seka ngendi kuwi mang?” Takone Dalijo marang Lik Ndoleng, nalika
ngerti udude jisamsu patangmbungkus.
“Jobo’o wingi aku arep nempil udud neng
warung, jebule kepethukan si Solebo, mulih seka njakarta. Nakoni aku, njur
malah nukokake aku udud iki Jo..aku ya maturtengkiyuperimak..”Lik Ndoleng
semaur sinambi pah-poh ngisep jisamsune.
“Wah, brarti Kang Solebo kuwi kaya
piwulange mbah’e neng BENINGE EMBUN ESUK kae Lik, NGELMU bab kawruhe marang
Gusti Allah” Dalijo nanggepi inpone Lik Ndoleng.
“Yakuwi Jo sing takrasakne, wong kuwi
omong karo tumindak’e gathuk, lan kuwi sing dilakoni Solebo, ora mung ngerti
bab sing apik, ananging nglakoni bab sing apik kuwi, ora kaya si..” Durung
kober mbacutake omongane, kutungka swarane Iin sajak rodok mbengok.
“Rasah ngrasani kang Markun Lik, kowe
kuwi kalah bab Yu Wasti, akonono wae, rasah nyalahake kang Markun. Niruo Lik
Solebo kae, sepi ing rembug ananging rame ing gawe, kae NGELMUNE tingkat tinggi
lho Lik..rakaya samyen..cetheke ngeram..” Unine Iin.
“Dusss….kenek meneh cahh…cen jindulnan
og ponakanku sing kaya manuk cemblek iki..!” Batine Lik Ndoleng.
Tidak ada komentar:
Posting Komentar