Rebo
Pahing 6 Mei 2020
BENINGE
EMBUN ESUK
Yeremia 23:1-8
Jabur
100
Yokanan
15:9-17
“Bilai
para pangon kang ngetogake bae wedhus-wedhus ngonngonaningSun padha ilang lan AMBYAR!” -- mangkono pangandikane Sang
Yehuwah. Yeremia 23:1
Tembung AMBYAR dadi populer merga
digawe populer dening Alm. Didi Kempot. Lho kok isa mengkono kepriye? Merga
tembung kuwi wis ana kawit mbiyen, aduuuuohhhh,sakdurunge dipopulerke dening
Alm. Didi Kempot. AMBYAR tegese pecah,mawut,rusak utawa wis suda (utawa malah
wis babar blas ora ana ) fungsine. Tembung AMBYAR ya nate dicritakne neng Kitab
Suci, pernahe neng Yeremia 23 ayat siji, sanadyan LAI nerjemahke “Buyar”,
mulane nggo nats Kitab Suci tak tulis hurup gede kabeh lan ditandani uirenge
Polll.
Mbalik neng tembung AMBYAR. Kena ngapa
tembung kuwi sanadyan wis ana sakdurunge dipopulerke dening Alm. Didi Kempot,
ananging ora isa moncer utawa terkenal? Wangsulane sederhana, merga mbiyen
durung makili kahanane wong akeh lan uga media komunikasi dalah informasi ora
kaya saiki. Istilah AMBYAR malih dadi terkenal merga kuwi makili kahanane ati
wong akeh, ora mung bab tresna ing antarane wong lanang lan wadon kang AMBYAR,
ananging meh kabeh pranatan ing jaman iki ya AMBYAR. Tata kapercayan AMBYAR,
tata politik luwih parah AMBYAR’e, tata ekonomi ya AMBYAR, pomeneh ing jaman pandemic
“topik songolas” iki. Tembung AMBYAR sing sejatine ngemu teges (konotatif) negative,
dadi digandrungi wong akeh, merga kuwi makili kahanan. Makili kahanane sapa
wae, isa cah nom sing tinampik, isa bojo sing dicidrani, isa makili kahanane
para bakul sing kelangan pelanggan lan sakpanunggalane. Pokok’e kabeh AMBYAR.
Gusti nate ngelikake menungsa , bab
AMBYAR. Yakuwi sing sapa wae ndadekne kahanan AMBYAR bakal entuk paukuman. Pepelinge
Gusti neng Yeremia 23 :1 ,cetha, para pemimpin sing ngetokne sing dipimpin
ilang lan AMBYAR (buyar) bakalan nemahi bilai. Pancen neng Kitab Suci disebutake
pangon, sanadyan artine sing asli pemimpin, ananging kuwi isa uga ditujokake
kanggo sapa wae sing marakne kahanan AMBYAR, entuk Bilaine Gusti. Iki kabeh
sejatine pepeling, yen kabeh menungsa kuwi (klebu sing maca tulisan iki..sing
rumangsa jik menungsa lho ya..hehe) sejatine pemimpin utawa pangon, paling ora
tumrap awake dewe. Mula isa diartekne yen kabeh isa marakne AMBYAR, ora mung “ngambyarke”
liyan, ananging uga ngambyarke awake dewe.
Sing sapa wae wegah tetulung, andum
berkah, nampa timbalan lan ngendani kabeh pakaryan apik, kuwi sing sinebut
ngetog’ake kahanan, lan merga ditogake mula isa ndadekne kahanan AMBYAR
(buyar). Mula saka kuwi, payo pada “ngengon” urip iki, wiwitan saka awake dewe,
njur brayat,lingkungan , pasamuan lan tumrap sapa wae. Aja gampang nyalahke
kahanan, merga isa wae sing salah kuwi sejatine awake dewe, aja gampang nudhing
amarga nalika nudhing kuwi driji siji ngener liyan lan sing papat mbalik neng
awake dewe. Aja nggawe kahanane liyan AMBYAR.
“Wis kebacut ambyar,
remuk sing neng ati ,Apa
ngene iki sing jenenge korban janji…..” Lik Ndoleng nembang
AMBYAR, ananging durung nganti rampung ketungka swara panjerite Nduk I’in sing
njedul ngetokne kopi.
“Biyuuhhh
Lik..orasah nyanyi.. swaramu jian..lha sampeyan ki ngentut wae pales kok malah
nyanyi, wis AMBYAR temenan iki mengkoo…” Pambengok’e Nduk I’in.
“Hambok ben ta In,
kuwi carane Paklik Ngudha rasa kahanan atine, merga nembe AMBYAR. Bab apik lan
ora kuwi ora gumantung saka swarane paklil, ning ya gumantung kahanane pikiran
lan rasamu..”Dalijo sajak mbelani Lik Ndoleng, sing jik kukur-kukur sirah.
“Weh, tumben mbelani
Paklik Kang?” Takone Nduk I’in.
“Weh, matur nuwun ya
Jo, wis mbelani aku..”Lik Ndoleng sajak seneng dibelani Dalijo.
“In, mbok ngerti
kahanan. Pancen om Didi Kempot wis seda, lan lagune AMBYAR dadi pas. Kuwi ya
sing dirasakne Paklik, pepinginane sesandingan mbek yu Wasti ya AMBYAR….” Mak
clebung Dalijo nyemes Lik Ndoleng.
“Bajindulll..takira
mbelani aku Joo…jebul mung lamiss..”Batine Lik Ndoleng sing jian ngrasakne
AMBYAR..
Mbah’e..
Tidak ada komentar:
Posting Komentar