Kemis
Pon 11 Februari 2021
BENINGE
EMBUN ESUK
1
Para Raja 11 :26-40
Jabur
50 :1-6
2
Korinta 2 :12-17
Sang Prabu Suleman banjur ngangkah
mateni Yerobeam, nanging Yerobeam nuli mangkat ngungsi menyang ing tanah Mesir,
marang ing ngarsane Sang Prabu Sisak, ratu ing nagara Mesir, sarta manggon ana
ing kono nganti sasedane Sang Prabu Suleman. 1 Para Raja 11 :40
Tembung
OGROS kuwi dudu tembung baku, mung ana neng sawijining “kumpulanne wong”, sing
tegese tumindak kang tanpa petong, nerak utawa nabrak samubarang kang ana.
Tembung OGROS kuwi mbiyen kulina dingo nalika jaman “bal-balan”, yakuwi kanggo
ngarani sing maine bal mung nendhang sakarepe dewe, mana hadap lan tanpa petung
babar blas. Wong kang main bal-balan lan nduweni “gaya” OGROS kuwi racake
garese kuwate ngeram, dadi nalika gaprakan ora lara, malah mungsuhe sing
garese njur mlenthung biru kae. Sing cetha, OGROS kuwi tumindak kang
kurang petungan, lan anane kurang petungan ya isa amarga sebab sing ora mung
siji, isa okeh sebab kang marakake tumindak OGROS.
Sanadyan
neg Kitab Suci durung ana bal-balan, ananging ana tumindak kang isa kinaranan
OGROS, malah kuwi dilakoni dening raja
Soleman. Critane mengkene, sakwise klalen njur nyembah marang brahala, nilar
marang Gusti Allah, raja Soleman dielikake dening nabi. Ananging ora malah
mertobat, malah sansaya ngamuk lan nesu, jik rumangsaora kleru lan bener dewe.
Sanadyan kaya mengkono, ing telengeing ati, raja Soleman rumangsa luput, lan
ora njur mertobat malah sansaya nesu, njur kabeh sinawang salah,mua kudu
disikat. Iki kang njalari raja Soleman tumindak OGROS, nganti Yerobeam, sing
babarblas ora ana lupute marang dewekne, diangkah patine, amarga ngomongake
sing sakbenere.
Lha
kaya mengkene iki watake menungsa, yen rumangsa bener dewe, kabeh
dinesoni,kabeh diamuk, kabeh kudu disingkirake, watake dadi OGROS llan ora
nyawang sapa kuwi blegere, mbuh ayu,seksi,bagus,gothot,sugih,mlarat, pidak
pedarakan lan ratuning negara, nalika nesu, mesti OGROS! Mbokmenawa sing maca
tulisan iki, sanadyan telat amarga mbahe karipan, ya ana sing jik “ngingu”
watak OGROS lan njur nesu amarga tersinggung merga maca tulisan iki, ya malah
apik. Kuwi tandane nggatekake, ora mung maca ananging ora sadhar, maca lan
nggatekake kuwi isa marakne wong mesem lan uga nesu, kari kahanane kang diwaca.
“Jindulll,
trondolooo tenan…asemb kecut gula legi…prawan ngentut Dalijo wediii!!!”Sore
tumuju wayah wengi kuwi,neng Cakruk Sor Talok, Lik Ndoleng sajak nesu, ngamuk,
lan asbak sing ora kleru apa-apa dibanting.
“Ora
ngono’a Leng, apa manukmu dientuk kalajengking, kok nganti kaya mengkono kuwi?”
Takone Wak’ane Solebo.
“Lha
iki, aku lagi maca BENINGE EMBUN ESUK, malah nyindir aku sakmoh-mohe, gilo…meh
kabeh persi sing tak alami.Iki mesti sing nulis sengaja ngangkah aku Bo..!” Jik
nada tinggi Lik Ndoleng anggone menehi alesan.
“Sik
ta Leng, lha tulisan iki ora mung kanggo sliramu thok-thil, iki kanggo wong
sing gelem maca. Lha menawa ana sing kena, kuwi mung kebetulan, dadi ora usah
nesu, njur OGROS kaya mengono, tumindak tanpa petung, nganti asbak wae mbok
bantingi kaya mengkene..”Unine Pakde Kento.
“Cen,
menungsa niku menawi lepat, lan ruamos kaeuotake njur nesu ngoten niku lho Dhe,
mboten namung Paklik Ndoleng, lha niku sing nggih sok maos BENINGE EMBUN
ESUK< kathah sing tersinggung njur nesu..” Unine Iin, sinambi jik ngadeg
nggawa kopi lan pacitan, merga nggumun nyawang Lik Ndoleng mbantingi Asbak.
“Kae
lho Yu, klakuane “fans” beratmu, yen
cedak sampeyan wae sok alim, lha yen ora njur OGROS banget tumindak’e” Muni
ngono, Dalijo njur lugguh karo wong wadon sing marakne Lik Ndoleng njumbul…
Mbah’e,,
Tidak ada komentar:
Posting Komentar