MENGKOROG

Minggu Pahing 26 April 2020

BENINGE EMBUN ESUK

KATAK/BULBIL BIBIT PORANG

Minat Untuk Tanam Musim Depan kontak WA 085870480039

Lelakone Para Rasul 2:14a-36-41

Jabur 116:1-4,12-19

1 Petrus 1:17-23

Lukas 24:13-35

Wong loro mau tumuli padha sapocapan mangkene: “Atiku rak wis padha ngangah-angah, nalika Panjenengane ngandika marang aku kabeh ana ing dalan lan nalika Panjenengane nerangake Kitab Suci marang kowe lan aku?” Lukas 24:32

Saben ngliwati papan kang rinasa wingit, racak’e titahe Gusti kang kinaranan menungsa sing nduweni rasa, mesti tuwah sawijining rasa kang aneh, lan sakbanjure awak dadi MENGKOROG. Nalika menungsa kelingan kahanan kang mbungahake utawa nrenyuhake, njur raga isa dadi MENGKOROG, nalika menungsa ketemu kahanan kang dadi pangimpene, ya sakbanjure awak dadi MENGKOROG. Dadi tembung MENGKOROG kuwi isa diwenehi “definisi”, kahanane awak kang malih merga reaksi. Dene reaksi kuwi isa merga kahanan kang positip, uga merga kahanan kang negatip. Ing renungan BENINGE EMBUN ESUK dina iki, Minggu Pahing 26 April 2020, arep ngajak para pamaos, ngrasakne bab reaksine awak amarga nampa sawijining kahanan .

Crita bab MENGKOROG kuwi nate dicritakne Kitab Suci, nalika nyritakne sekabate Gusti cacah loro arep mulih menyang ndesane kanga ran Emaus. Muluhe sekabat loro kuwi merga bubar nemahi kahanan kang nguciwani, awit sedane Gusti. Sanadyan wis nampa pawarta bab wungune Gusti, ananging pengalaman meruhi Gusti seda sinalib luwih kuwat, tinimbang paseksine para sekabat liyane bab wungune Gusti. Amarga kahanan kang kaya mengkono, mula nalika ijik mlaku lan ndilalah ana pawongan kang nyusul dalah melu mlaku, ora isa nyipati. Kamangka sejatine sing melu mlaku kuwi ya Gusti piyambak. Ati kang sedhih lan kuciwa ndadekne sekabat loro kang lumaku menang desa Emaus ora isa nyipati pawongan kang mlaku bebarengan, lan nembe isa nyipati nalika Gusti “NYUWIL” roti ing omah kang diampiri. Lan sakwise disipati dening Kleopas (jenenge salah sijine pawongan loro kuwi), Gusti banjur mak lap..ilang saka pandulu.

Sing apik kanggo pangraosing panguripan saka crita ing Lelakone Para Rasul kuwi, yaiku bab paseksine salah sijine sing lumaku lan tumeka ing Emaus. Sakwise Gusti ngilang, njur ana sing menehi paseksi, menawa nalika Gusti nyritakne Kitab Suci ing ndalan mau, atine ngrasa ngangah-angah utawa MENKOROG. Kuwi kabeh isane kelakon merga ana rong perkara. Sepisan, para sekabat loro kuwi wis nduweni sesambungan raket karo Gusti, mula ana “Getaran” sing pada. Dene kaping pindhone, para sekabat loro kuwi wis nduweni pengalaman karo Gusti, mula nalika kepthuk, ya isa ndadekne MENGKOROG. Yen ora nduweni sesambungan lan pengalaman karo Gusti, mokal isa nuwuhake kahanan MENGKOROG kang kaya mengkono kuwi. Mulane, nalika menungsa isa lumebu ing kahanan wening, kabeh obah osiking jagad iki sejatine carane Gusti nyritakne Sarirane, lan kuwi kang marakne menungsa isa MENGKOROG lan sakbanjure atur panuwun lan muji sokur marang Gusti.

“Lik, saiki njajal tak takon, lan wangsulane sing jujur ya…”Dalijo nakoni Lik Ndoleng, nalika esk kuwi arep mangkat ngaBEKTI neng papan pangibadhah.

“Takon wae Jo, rasah kokean aturan..” Semaure Lik Ndoleng sinambi lumaku alon-alon.

“Yen ketemu Yu Wasti apa jik MENGKOROG Lik sampeyan?” Dalijo langsung tunjep poin nakoni Lik Ndoleng.

“Weh, takokmu kok aeng-aeng wae ta Jo?” Semaure Lik Ndoleng sajak kaget.

“Haiyah..ndang wangsuli wae Lik..rasah endha, rasak selak…” Nduk I’in nyusull neng mburine wong loro kuwi lan langsung ndedes Lik Ndoleng.

“Hmm..A..a.nu..anu Jo..ya..hmm…a..anu..”Grothal grathul Lik Ndoleng olehe semaur.

“Lha raktenan ta..mesti MENGKOROG saben krungu, nyawang,nyebut lan kelingan Yu Wasti. Kuwi mertandani yen sampeyan nduweni sesambungan,lan uga nduweni pengalaman karo Yu Wasti Lik…” Dalijo njlentrehke lan Lik Ndoleng mung mesam-mesem.

“Ngko ketemu Lik, jejerono, merga kang Markun jik masuk angina..jale wani ora njejeri yu Wasti..” Nduk I’in melu ngoso Lik Ndoleng, lan Lik Ndoleng sansaya tersipu..hehe..kaya sing maca tulisan iki lan nate ngrasakne MENGKOROG nalika isa njejeri mantane..

Mbah’e..