NGAJENI

Kemis Wage 11 Oktober 2018

BENINGE EMBUN ESUK

Pangandaring Toret 5:1-21

Jabur 90        :12-17

Lukas 11        :5-13

“Kowé kudu ngajèni bapak lan ibumu, kaya dhawuhé Pangéran Allahmu, supaya uripmu slamet lan umurmu dawa ing tanah sing bakal diparingaké marang kowé.” PT 5:16

SOLUSI MASALAH PERCENAAN ANDA

Pirang ndina kepungkur, beninge embun esuk mbahas baba pa kui AJI, lan saiki jik ana gandeng cenenge karo bab kuwi, ananging  iki bab NGAJENI. Tegese ngajeni yakuwi mapanake samubarang ana ing kahanan kang apik,unggul lan migunani. Tembung iki biasane kagunaake kanggo ndeleh pakurmat marang pawongan sing luwih samubarange. Sakdurunge nglakoni apa kuwi ngajeni, menungsa kudu ngerti jatidirine lan sing arep diajeni kuwi, mula ing kene bab pasinaon ora bisa kaendanan. Mulane yen ana sing semanta ngajeni ananging ora paham, ora kenal, kuwi tegese ngajeni sing ora dimangerteni.

NGAJENI URIP

Ijik neng mangsane wulan brayat, bab ngajeni kuwi cen apik banget. Sanadyan neng Pangandaring Toret, kuwi antarane bocah marang wong tua, manut penemuku, bab ngajeni kuwi isa lumaku kanggo sapa wae. Wong lanang marang somahe, wong wedok marang bojone, anak marang wongtua, lan uga wongtua marang anake, kuwi wajib klakon ben tuwuh subur kahanan kang tentrem. Menawa urip kuwi tanpa ajen-ingajenan, tangeh lamun tinemu tentrem rahayu, menawa urip kuwi mung mbujeng kepentingane dewe-dewe, mestine jagad enggal bangkrut lan pindah nggon..hehe.

Intine, bab ngajeni kuwi babagan sing penting. Merga penting mula ya taktulis nggo renungan esuk iki. Umpama kabeh isa urip ajen ingajenan,persaya siji karo sijine, ora ana daksiya bab sing ala, mesti jamane tentrem. Ananging kabeh kuwi rumpil, saiki bab ajen ingajenan kuwi wis langka banget, mula ayo pada diuripke meneh, ben awet lan migunanti kanggo srawung siji lan sijine.

“Nduk, In, ngandi Dalijo kok wis temung ndina ranjedul?”, Lik Ndoleng takon marag ponakane, I’in.

“Jare ajeng nyadran paklik, ten desane, kiduullll ngrika”, Wangsulane I’in..

“Dalijo ki piye, wong wis mati kok dadak dieling-eling, aluwung ngurmati sing jik urip, kuwi pemborosan”, Lik Ndoleng ngamuk..

“Paklik, Kang Dal mboten supe, kang Dal  naming bade tindak sowan leluhur, ten sarean, ngengeti sejarah mawon, NGAJENI lu]eluhur, kersane emut tnasah babagan ingkang sae”, Wangsulane I’in..

Aja gampang cubriya, slidikana sik, durung tentu sing kokanggep ala kuwi ala, mula ngajenana kabeh kuwi..

Mbahe..