Selasa
Pahing 9 Oktober 2018
BENINGE
EMBUN ESUK
Pangandaring
Toret 24 :1-5
Jabur
112
Lukas
10 :38-42
“…penggawéné
kuwi ngrèmèhaké marang Allah. Kowé ora kena gawé dosa sing kaya mengkono ana
ing tanah sing arep diparingaké déning Pangéran Allahmu marang kowé.” PT
24:4b
Tembung
lewung kuwi mung ana neng donyane dolanan layangan, kuwi wae ya mung ana neng
daerah tertamtu. Sakngertiku, istilah lewung kuwi popular neng tlatah Wonogiren
sisih kulon kidul. Dene tegese LEWUNG uwi nalika layangan sing dingo dolanan
pedot taline karo sing nganggo dolanan. Babagan sing ndadekne LEWUNG ora mung
sakperkara, ning akeh. Isa merga angine gede njur kuat daya tarik’e layangan
kuwi banjur benange ora kuwat, njur pedot. Isa uga amarga kualitas benange sing
ora apik, mula gampang pedot, istilahe mopol. Sejene rong perkara kuwi ya ijik
ana sijine meneh, yakuwinaliko sing dolanan layangan sengaja medot benange,
njur layangane ucul seka sing dolanan.
Kayadene
wong dolanan layangan, bab urip bebrayan kuwi bisa wae lumaku kaya mengkono,
LEWUNG, nalikane antarane layangan, benang lan sing ngendaleni wis ora ana
sesambungan meneh. Wong dolanan layangan kuwi kudu ana telung pokok, wonge sing
dolanan, benang lan layangan. Telu-telune kudu mlaku bareng, ora isa dewe-dewe.
Sing mainke lan layangane kuwi isa dadi gambarane wong wedok lan wong lanang,
dene benange kuwi isa dadi gambaran KOMITMEN. Anggere komitmene kuwat,
sanadyan akeh goda,akeh pacoban,akeh
persoalan, tetep wae bakoh ora isa pedot. Beda yen benange utawa KOMITMEN’e
mopol utawa ringkih, lagi kena goda sithik wae langsung pedot, LEWUNG. Dene sing
dadi panggoda kuwi macem-macem, isa bab ekonomi, komunikasi lan uga relasi. Angger
pada isa njaga, kabeh mesti lumaku apik, sing baku aja pada sengaja medot
benange, sing tegese sengaja medot sesambungan sing wis diberkahi dening Gusti
Allah.
Piwulange
Musa neng Pangandaring Toret 14 ayat 1-5 dadi pasinaon tumrap awake dewe kabeh,
supaya ngati-ati lan ora grasa-grusu mranata brayat. Mergane yen grusa-grusu
njur klakon sing ala, kuwi dadidukaning Gusti. Sing sapa nganggo dolanan
sesambungan kuwi ateges ngremehke Gusti Allah lan pantes napa paukuman. Mulane sing
pada ngati-ati anggone njaga brayate dewe-dewe..
“Kabare
Tanti pie kang Dal?”, Ujug-ujug Nduk I’in takon Dalijo bab si Tanti.
“Ambuh,
lha aku bebisistere kok takon aku!”, Semu sengak, Dalijo mangsuli.
“Ngati-ati
Jo, rasah dolanan geni, ngko klakon LEWUNG brayatmu yen jik njarag kahanan”,
Lik Ndoleng melu-melu ngandani, sok wicaksono.
“Pengalaman
yolik?Nganti meh pedot sesambungane karo mbok cilik, gara-gara njarag Yu Wasti?”,
Dalijo malah mbalik ngece Lik Ndoleng.
“Dusss…malah
nyemes wong tuwkk!!”, Lik Ndoleng kisinan merga brayate nate meh LEWUNG merga
gegojegan kebablasen..
Dijaga
Lurr brayate, aja nganti LEWUNG, Pedottt..
Mbahe..
Tidak ada komentar:
Posting Komentar